Ekipet e shpëtimit në Indonezi po vazhdojnë kërkimin e tyre pasi të dielën një anije pasagjerësh u mbyt në Detin Java. Nga kjo ngjarje raportohet për 130 persona të zhdukur. 113 pasagjerë u shpëtuan teksa gjashtë persona janë konfirmuar të vdekur.
Anija mësohet se po transportonte 243 pasagjerë, përfshirë 30 anëtarë të ekuipazhit. Ajo u raportua e zhdukur pasi humbi kontaktin me autoritetet në orët e para të së dielës për shkak të motit të keq.
