Qeveria përveç pikave fizike të basteve, do të mbylle edhe bastet online.
Të paktën kështu ka deklaruar drejtori i Politikave Fiskale në Ministrinë e Financave, Niko Lera i ftuar në “News 24”
Lera, ka deklaruar se ndryshe nga se është thënë, bastet nuk do të jenë më as online.
“Unë nuk mendoj se jemi në fazë emergjence kemi edhe dy muaj e gjysmë kohë, ndaj të gjitha alternativat do të gjykohen.”
“Edhe bastet online do të jenë pjesë e kësaj mase, pra nuk do të luhet as online. Shteti, administrata që do të lancojë një masë të tillë, ka edhe detyrimin ligjor të kontrollojë zbatimin e kësaj masa. Pra organet ligjzbatuese të këtij vendi, tatimet apo policia do të jenë në funksion të zbatimit të këtij ligji”, deklaroi Drejtori i Politikave Fiskale në Ministrinë e Financave.
Nga 1 janari do të mbyllen të gjitha pikat e basteve në Shqipëri, ku përfshihen llotot, si dhe çdo lloj basti për çdo garë të ashtuquajtur në pistë me kuaj apo qen. Ndërsa kazinotë elektronike, ashtu siç parashikon ligji aktual, do të zhvendosen në hotelet me 5 yje dhe larg zonave të banuara
a.ç
