Një 59-vjeçar është vënë në pranga nga Policia e Elbasanit gjatë fundjavës, nën akuzën e tentativës për kryerje të marrëdhënieve seksuale me të mitur.
Sipas të dhënave paraprake nga organet e rendit, i dyshuari përdorte taktika joshjeje dhe mashtrimi për të siguruar numrat e telefonit të të miturve.
Më pas, ai komunikonte me ta duke i ftuar për takime, të cilat fillimisht zhvilloheshin në ambiente publike si kafene dhe më tej përparonin deri në ftesa për të shkuar në banesën e tij.
Materialet procedurale i kanë kaluar Prokurorisë pranë Gjykatës së Shkallës së Parë të Juridiksionit të Përgjithshëm Elbasan për veprime të mëtejshme ligjore.
Ndërkohë, grupi hetimor po vijon veprimet intensive për dokumentimin e plotë të ngjarjes dhe verifikimin e mundësisë së përfshirjes së personave të tjerë.
