Kryeprokurorja e Përkohshme Arta Marku vijon me ‘fshesënb’ ndaj drejtuesve të organit të akuzës. Gjatë ditës së sotme ajo ka firmosur largimin nga detyra të krerëve të disa prokurorive në rrethe.
Fillimisht u raportua largimi i kreut të Prokurorisë Elbasan Dritan Gina i cili u zëvendësua nga Ardjan Nezha.
Ndryshimet kanë prekur dhe Prokurorinë e Fierit, e cila nga sot do të drejtohet nga prokurori Fatmir Lushi, duke zëvendësuar në këtë detyrë prokurorin Pali Deçolli, si dhe Prokurorinë e Kukësit, ku Marku largon drejtuesin Artur Ismailukaj, duke e zëvendësuar me prokuroren Alketa Nushi.
Njoftimi i plotë:
Në kuadër të riorganizimit, mirëfunksionimit të organit të akuzës, rritjes së performancës dhe besueshmërisë së publikut tek ky institucion, Prokurori i Përgjithshëm, znj. Arta Marku nënshkroi ndryshimet si më poshtë:
Duke filluar nga dita e sotme, datë 09. 01. 2018,
– Z. Dritan Gina, Drejtues i komanduar i Prokurorisë së Rrethit Gjyqësor Elbasan, i ndërpritet komandimi dhe kthehet si prokuror në Prokurorinë ku është i emëruar;
– Drejtues i Përkohshëm i Prokurorisë së Rrethit Gjyqësor Elbasan, caktohet prokurori, z.Ardjan Nezha.
– Z. Pali Deçolli, Drejtues i komanduar i Prokurorisë së Rrethit Gjyqësor Fier, i ndërpritet komandimi dhe kthehet si prokuror në Prokurorinë ku është i emëruar;
– Drejtues i Përkohshëm i Prokurorisë së Rrethit Gjyqësor Fier, caktohet prokurori, z.Fatmir Lushi.
– Z. Artur Ismailukaj, Drejtues i komanduar i Prokurorisë së Rrethit Gjyqësor Kukës, i ndërpritet komandimi dhe kthehet si prokuror në Prokurorinë ku është i emëruar;
– Drejtues i Përkohshëm i Prokurorisë së Rrethit Gjyqësor Kukës, caktohet prokurori, zj.Alketa Nushi.
