Deputeti i përjashtuar nga Partia Socialiste Tom Doshi hedh poshtë akuzat e ngritura nga ILDKPKI ndaj tij ditën e sotme për fshehje të pasurisë në vlerën e 23 milionë eurove. Në një intervistë për Ora Neës, Doshi shprehet se asnjë prek akuzave të ngritura ndaj tij nuk qëndron ndërsa shton se ai është i vetmi deputet qe ka deklaruar pasuritë në emër të tij.
Ai nënvizon se është një nga deputetët më të pasur në Shqipëri por me pasuri të deklaruar, ndërsa shprehet se ka të tjerë më të pasur se ai por që nuk i deklarojnë.
Doshi: “Të gjitha këton janë shpifje dhe sajesa. Unë që në 2005 që kam hyrë në politikë i kam deklaruar të gjitha dhe i kam të gjitha në emër tim. Këto shifra nuk bëhet fjalë jo me 23 milion euro, por nuk bëhet fjalë as me 1 mijë euro që unë kam transferta apo pastrim parash të padeklaruara”.
Gazetarja: Sa i pasur jeni?
Doshi: “Të verteta nuk ka pas asnjëherë, të pavërteta ka pas gjithmonë. Unë jam kotrolluar për këtë çështje dhe asnjëherë nuk kanë gjetur asgjë dhe nuk kanë shans me gjet”.
Gazetarja: Jeni vërtet njëri nga politikanët më të pasur në Shqipëri?
Doshi: “Të deklaruan po, kurse ata që i kanë të padeklaruara janë shumë më të pasur se unë”.
Gazetarja: Po thoni që ka politikanë të pasur dhe që fshehin pasuritë?
Doshi: “Të gjithë ata që kanë qenë ministra dhe që janë sot. Të gjithë janë më të pasur se unë, por nuk mund t’i deklarojnë. Qetësia ime është se çdo gjë është në emrin tim, ndërsa ata e kanë në emrin e të tjerëve. Dhe kanë pasur probleme disa ministra që i kanë vënë në emër të tjerëve dhe për fat të keq ka qëlluar ndonjëri bixhozxhi dhe i ka lënë në bizhoz dhe nuk munden as t’i kërkojnë”.
Doshi i cilëson këto akuza si politike dhe se nuk ka frikë të përballet me to në Prokurori.
Doshi: “Unë jam i vetmi në ato biznesmenë dhe politikanë që në 2008 kur kam shitur aktivitetin e kompanisë gjermane, 18 mln euro, unë i kam paguar shtetit 1 milion e 800 mijë dollarë taksa. Për 10 vjet, kjo është e pesta herë që kontrollohem”.
