ILDKPKI ka vijuar kallzimet në Prokurorinë e Përgjithshme sa u përket zyrtarëve të cilët kanë shkelur ligjin duke fshehur apo mos deklaruar pasuritë e tyre.
Kanë qenë tre gjyqtarë dhe një ish-kryetare Dogane të cilët janë paditur për shkellje të ligjit 257/a/2, 186 dhe 287 të Kodit Penal.
ILDKPKI ka çuar dosjet e Petrit Aliaj me funksion gjyqtar në Apelin e Vlorës, Rasim Doda gjyqtar në Sarandë, Enkeleda Doda Kashuri me funksion gjyqtare në Sarandë dhe Elsa Gjini ish-kryetare e degës Doganore të Sarandës.
Këta katër shtetas akuzohen për deklarim rremë të interesave private, falsifikim dokumentash, transferta të dyshimta dhe pa burime të ligjshme financiare.
