Eshtë cilësuar si fshati më i pasur në botë, aty secili prej banorëve ka një pasuri prej të paktën njëqind mijë euro dhe çdo familje jeton në një vilë, një fshat me arsim e kujdes shëndetësor falas dhe që ka aeroplanë dhe planifikon të blejë edhe anije.
Fshati më i pasur në botë ndodhet në provincën Jiangsu të Kinës Lindore dhe quhet Huaxi, i themeluar në
vitin 1961 nga Wu Renbao. Në vitin 1998 Huaxi u bë e para komunë e regjistruar në bursë. Ajo është tani një grup më 57 kompani dhe që ka lidhje me 15 institucione kërkimore dhe universitete.
Mrekullia ekonomike e Huaxisë është një ndërthurje e punës për begatinë e përbashkët me modelin ekonomik të tregut të lirë.
Në fshat janë ndërtuar replika të ndërtesave më të njohura në botë, si Harku i Triumfit, Capitol Hill, Muri i Madh kinez, etj, të cilat tërheqin mjaft turistë. Gjithashtu, edhe një hotel me 5 yje, i pazakontë për një fshat.
Wu Renbao nuk ndoqi një qasje të ngurtë e dogmatike ndaj zhvillimit të ekonomisë kolektive, por u nis nga kushtet konkrete të fshatit të tij. Ai u nda nga jeta në vitin 2013 në moshën 85-vjeçare.
BW/d.i.
