Ajo pjesë e Partisë Demokratike që mbështet Enkelejd Alibeajn nuk do të jetë nesër në Kuvend kur të votohet kandidati për President.
Lajmin e bëri të ditur kreu i Grupit Parlamentar të PD-së, Enkelejd Alibeaj në një dalje për mediat.
“Kjo ishte arsyeja që, që në fillim, duke respektuar detyrimet morale, politike, u futëm në proces në mënyrë të hapur, pa u fshehur. Duke marrë pjesë edhe duke përcaktuar rregullat, sesi duhej të ishte procesi që produkti të ishte jo vetëm i gjithëpranuar, por edhe të ushtrohej siç e do Kushtetuta detyra e Presidentit. E vutë re të gjithë çfarë ndodhi me partitë. Arritëm sot para momentit, kur Shqiptarët duhej ta dinin kush do të ishte presidenti. Qëndrimi ynë është, nesër nuk ka asnjë sens që PD të marrë pjesë në procesin e votimit. Do të legjitimonte kapjen e mazhorancës nga ana e Edi Ramës,” tha Alibeaj.
I pyetur nëse ka frikë nga rrjedhja e votave, ai nuk u përgjigj. Kujtojmë se Presidenti zgjidhet me votim të fshehtë dhe pa debat, dhe se emri i kandidatit nuk dihet ende.
/a.r
