Policia e Tiranës njoftoi sot se pas një operacioni të detajuar është arritur ndalimi i 11 personave.
Mësohet se të arrestuarit janë pjesë e një rrjeti prostitucioni, ndërsa iu janë gjetur edhe 4 doza kokainë. Ata janë ndaluar pas operacionit të koduar “Free taxi”.
Drejtori Ervin Hodaj tha mëngjesin e sotëm se në rrjet bënin pjesë edhe 2 femra që shfrytëzoheshin, ndërsa ato do të dërgohën në një qendër rehabilitimi.
Hodaj bëri të ditur se në pranga kanë rënë Mariglen Ahmeti, Arben Bici, Kujtim Karamuça, Përparim Kola, Anxhela Xh, Blendi Stefani, Gjergj Rusi dhe Elton Shterpi (punonjës i policisë).
Ndër të arrestuarat janë edhe shtetaset Ambra I. dhe Fllanxa A., që dyshohen se rekrutonin vajza të moshave të ndryshme për të ushtruar prostitucion dhe klientet siguroheshin prej taksistëve.
Shuma per çdo klient shkonte nga 50 në 150 euro. Aktiviteti i tyre kriminal kamuflohej dhe lehtësohej nëpërmjet aktivitetit si taksist duke bërë të mundur transportimin e vajzave që ushtrojnë prostitucion në hotele dhe ambjente të tjera.
/b.d
Vijon…
