Ferland Mendy është lojtari i ardhshëm i Real Madridit, të paktën kështu thotë spanjollja “AS”, që ka shkruajtur se mbrojtësi i majtë i ka thënë “Po” trajnerit Zinedine Zidane për të kaluar nga Lyon në Madrid.
Për largimin e 23-vjeçarit pak kohë më parë foli edhe presidenti i klubit francez, Jean-Michel Aulas që konfirmoi se tre lojtarë të klubit të tij do të largohen në verë. Për këtë fakt ka vënë në dijeni edhe drejtorin e ri sportiv, Juninho dhe trajnerin Sylvinho.
