Në stadiumin ‘Velodrome’ te Marsejes pas një ore do të përballen Shqipëria dhe Franca.
Në pritje të ndeshjes, rrugët e Marsejës janë mbushur me tifozë, si ata vendas të Francës, por edhe kuqezinjtë që po e mbështesin nga afër përfaqësuesen tonë. Në një prej rrugëve të Marsejës një grup tifozësh shqiptarë janë takuar me ata francezë, por ndryshe nga tifozeritë ruse e angleze, në mënyrë të qytetëruar, duke kënduar, raportojnë gazetarët nga Franca.
Edhe ambasada shqiptare në Francë i ka bërë jehonë kësaj miqësie mes tifozerive. “Sonte ndeshja Shqipëri-Francë në Marsejë. Fitoftë skuadra më e mirë, sidomos miqësia Franko-Shqiptare”, shkrua ambasada ne profilin e saj ne “Facebook”.
Formacionet zyrtare
Franca (4-2-3-1): Loris, Sanja, Evra, Rami, Koshielni, Kante, Matuidi, Koman, Paje, Marsial, Zhiru.
Trajner: Deshamp
Shqipëria (4-5-1): Berisha, Hysaj, Mavraj, Ajeti, Agolli, Kukeli, Lila, Memushaj, Abrashi, Lenjani, Sadiku.
Trajner: De Biazi
(java / r.a)
