Numri i të papunëve në Francë ra në tremujorin e parë të vitit në nivelin më të ulët në gjysmë dekade, sipas të dhënave të Ministrisë së Punës. Ministria bëri të ditur se numri i personave të regjistruar si të papunë në Francë ra me 24,200 në tremujorin e parë në një total prej 3.391 milionë. Kjo shënoi një rënie me 0.7% për një muaj dhe me 1.5% për një periudhë 1-vjeçare, duke e çuar nivelin total të të papunëve në më të ulëtin që prej tremujorit të dytë 2014.
Këto shifra përbëjnë lajme pozitive për presidentin francez Emmanuel Macron, që po shpreson që përmirësimi i tregut të punës të ndihmojë me protestat kundër qeverisë, që bien ndesh me axhendën e tij pro-biznesit. Pavarësisht rënies së numri të të papunëve, norma e papunësisë qëndron ende një shqetësim i madh për ekonomitë familjare.
Shqetësimet mbi papunësinë u rritën në muajin Prill në nivelin më të lartë që prej Janarit, sipas një sondazh të besimit të konsumatorit nga agjencia e Statistikave. SCAN
