Franca mund të mbyllë 17 nga 58 reaktorët bërthamorë të saj si pjesë e një plani për të zvogëluar sasinë e energjisë bërthamore, njoftoi sot ministri i Mjedisit, Nicolas Hulot.
Qëllimi i qeverisë është të zvogëlojë një pjesë të energjisë bërthamore nga 3/4 në vetëm 1/2 deri në vitin 2025.
“Çdokush mund ta kuptojë se për të arritur këtë objektiv është e nevojshme të bëhet mbyllja e një numri të caktuar reaktorësh”, tha Huloti për “Radio RTL”.
“Nuk janë zhvilluar ende të gjitha detajet e planit të klimës qeveritare”, njoftoi Hulot të enjten me qellimin për ta bërë Francën të ashtuquajtur “karbon neutral” deri në vitin 2050 (asnjanësia e karbonit, i referohet arritjes së emetimeve zero të karbonit – shën. i përkth.).
“Mund të mbyllen deri në 17 reaktorë”, tha Hulot, duke këmbëngulur se vendimet nuk do të merreshin “në mënyrë simbolike”.
Franca aktualisht gjeneron rreth 77 për qind të energjisë elektrike nga energjia bërthamore, sipas Shoqatës Franceze të Energjisë Bërthamore, deri më tani proporcioni më i lartë në Bashkimin Evropian./b.d
