Kampionia në fuqi e botës, Franca, nuk është dakord dhe nuk pranon humbjen ndaj Tunizise, duke njollosur rrugën e tyre në fazën e parë të grupeve. Asnjë ndikim në renditjen finale, duke qenë se kaluan si te paret ne grup te faza me eliminim direkt (ku do të takohen me Poloninë), por ceshtja është edhe parimore edhe respektimi i rregullave: çfarë ndodhi në finalen kundër Tunizisë nuk mund të kalojë pa u vënë re!
Federata Franceze e Futbollit po përgatit një apel me shkrim në FIFA për atë që ndodhi në kohën shtesë në ndeshjen kundër Tunizisë, të cilën e humbën 1-0, pavarësisht se Griezmann kishte shënuar një gol në minutën e 98-të, i cili u akordua siç duhet dhe më pas u anulua përmes rishikimit nga VAR. Ajo që zemëroi francezët nuk ishte aq shumë korrigjimi me VAR i vendimit të arbitrit Conger, por procedura me të cilën u zhvillua, e konsideruar absolutisht e parregullt.
Vetë Didier Deschamps në konferencën pas ndeshjes kishte shprehur më shumë se një dyshim për atë që pamë në fushë: “Arbitri fishkëlliu për fillimin e lojes pas golit dhe më pas fundin e ndeshjes. A kishte të drejtë të kthente vendimin? Nuk jam i sigurt”, duke iu referuar faktit se ai kishte rifilluar lojën rregullisht dhe më pas ndaloi në një moment të mëvonshëm.
Në fakt, pas golit të Griezman, të dyja skuadrat u rikthyen në mesfushë për të nisur sërish pasi Franca barazoi 1-1. Vetëm më pas, loja u ndërpre sërish, me Conger të rikthyer nga VAR. Në atë moment aksioni u rivlerësua dhe goli i Griezmann u konsiderua i parregullt për shkak të pozicionit jashtë loje, duke i dhënë efektivisht fitoren Tunizisë.
Por çfarë thotë protokolli VAR në këto situata? Ndjenja është se Franca ka çdo të drejtë të protestojë dhe të apelojë në FIFA për rezultatin përfundimtar. Në fakt, rregullorja për një ndërprerje të re të lojës, pas vërtetimit të parë të një goli, mund të bëhet vetëm në raste të veçanta: “nëse loja rifillon pasi është ndërprerë, gjyqtari nuk mund të bëjë analizë, përveç rastit me identitet të gabuar ose në rast të një shkeljeje që mund të dëbohet, siç është sjellja e dhunshme, pështyrja, kafshimi dhe/ose fjalët ose veprimet fyese”.
Asnjë nga këto nuk ndodhi. “Ne po shkruajmë një ankesë pas golit të Antoine Griezmann, i cili është anuluar në mënyrë të padrejtë, nga këndvështrimi ynë. Kjo ankesë duhet të dërgohet në FIFA brenda 24 orëve nga përfundimi i ndeshjes”, shpjegoi një burim pranë Federatës së Futbollit Francez…
/a.r
