Dhjetëra mijëra anije kanë kaluar në “Toëer Bridge” në Londër pasi ura e famshme u hap afro 120 vite më parë, por asnjë mjet lundrues nuk ka tërhequr vëmendje më shumë se një superjaht që kushton 225 milion paundë dhe është në pronësi të një miliarderi rus.
Jahti i manjatit rus Andrey Melnichenko i njohur si “mbreti Bling” u pa të shtunën pasdite në lumin Thames në Londër, në një ditë me mot jo fort të mirë.
Anija e cila është një prej 25 jahteve më të mëdha në botë përmban 3 pishina, duke ëprfshirë edhe një me dysheme xhami, kabina luksoze dhe një dizajn të pazakontë.
Punimet për ndërtimin e anijes luksoze filluan 8 vite më parë dhe tashmë ajo është në lundrim.
Xhamat e super-mjetit lundrues janë të padepërtueshëm nga bombat, dhe manjati rus mund të lundrojë i qetë me të nëpër botë, se bashku me gruan e tij 39-vjeçare Aleksandra. Çifti njihet për jetën luksoze që bën.
Melnichenko njihet si një biznesmen i suksesshëm në tregtimin e qymyrit. Ai ka një pasuri që vlerësohet të shkojë rreth 8.5 miliardë paundë./Javanews/a.m.
