Kthesë në hetimet për Olgert Laskën, shqiptarin i cili akuzohet se ekzekutoi 71-vjeçaren Rosa Maria Radicci në shtëpinë e saj në Palese të Barit, më 13 nëntor 2016. Siç raportojnë këtë të hënë mediat italiane, ai ia ka rrëfyer krimin një shoku të qelisë.
Të paktën kështu pretendon ky i fundit, i cili i ka nisur një letër gjykatës së Krimeve të Rënda të Barit. Në letër, ai i shpjegon se Olgert Laskën i rrëfeu se kishte kryer krimin si dhe motivin: Hakmarrje ndaj ish-punëdhënësit. Prokurori i cili koordinon hetimet, Luciana Silvestris, kërkoi që autori i letrës të dëgjohet në gjykatë si dëshmitar.
HETIMET
Olgert Laska u arrestua nga efektivët e policisë disa ditë pas krimit dhe ndodhet nën masën arrest me burg në pritje të vendimi të gjykatës.
Sipas dosjes hetimore të prokurorisë, gruaja u mbyt me duar nga shqiptari, i cili ka punuar në picerinë e djalit të viktimës, ku lante pjata.
I riu është pushuar nga puna në fund të gushtit 2016 dhe për hetuesit, është pikërisht kjo arsyeja ai ka vrarë të ëmën e ish shefit të tij për tu hakmarrë. Pistë kjo që tashmë përforcohet pas letrës së ish-shokut të qelisë së Laskës.
Por, Olgert Laska ka refuzuar gjithmonë akuzat që rëndojnë ndaj tij, duke u shprehur se nuk ka gisht në vrasjen e 71-vjeçares.
Më mesin e provave, prokuroria posedon edhe pamje filmike të marra nga kamerat e zonës, në të cilat shquhet shqiptari në shëtitoren buzë detit, ku ndodhet edhe banesa e viktimës. Ai shihet duke mbërritur në zonë me biçikletë në orën 12:37 të 13 nëntorit.
“Ai u ndal në hyrje të kompleksit rezidencial të viktimës. Mbështeti biçikletën te kangjellat dhe u ul në stol”, shkruhet në dosjen e hetuesve.
Imazhet tregojnë se Laska i afrohet shpesh portës, dhe prania e shqiptarit ishte vënë re nga vizitorët në një bar aty pranë.
Kur ka parë të kalonte një patrullë karabinierësh, është fshehur mes shkëmbinjve. Më pas, në 14:19 zhduket nga pamjet e kamerave dhe në 15:10 filmohet sërish, teksa me biçikletë, niset në drejtim të Barit.
Sipas hetuesve, në hapësirën kur shqiptari nuk shfaqet në kamera, ka kryer vrasjen. Portën, Olgeritit mund t’ia ketë hapur vetë gruaja e cila njihej me të dyshuarin, pasi ky i fundit i bënte shpesh pazaret në të shkuarën dhe punët e kopshtarisë. PANORAMA
ma.me
