Fotot+ Video/ Ekspertja e plastikës së trupit: Ja mesazhet që përçuan liderët e dy Koreve!

Ekspertët e gjuhës së trupit janë të bindur se shtrëngimi i duarve dhe përqafimi mes liderëve të dy Koreve, është pjesë e përpjekje që të sigurohen se mesazhi për unitet dhe miqësi të kuptohet në mbarë botën.Judi James ka deklaruar se gjuha e trupit të Kim Jong-un tregon se ai “vazhdimisht po dëgjonte me vëmendje”, derisa buzëqeshja në fytyrën e presidentit jugkorean Moon Jae-in flet për dëshirën e madhe për paqe, transmeton Telegrafi.

Ajo gjithashtu ka bërë të ditur se paraqitja e tyre dhe mesazhi për unitet, ishte i ngjashëm i atij të presidentit amerikan Donald Trump dhe atij francez Emmanuel Macron.

Kim Jong-un është lideri i parë i Koresë së Veriut që ka shkelur në territorin e Koresë së Jugut pas 65 viteve, ku u takua me homologun e tij Moon në paralelen 38 në fshatin Panmunjom që ndanë dy Koretë.

Dikur dy armiqtë e përbetuar kanë shkëmbyer përqafime dhe shtrëngime duarsh e buzëqeshje në fytyrë, para se ta mbjellin një pemë së bashku.

Kim dhe Moon gjithashtu kanë nënshkruar një deklaratë të përbashkët ku janë pajtuar që t’i japin fund luftës mes dy Koreve që kishte filluar në vitin 1950, dhe që zyrtarisht kurrë nuk ishte nënshkruar traktati i paqes. /Telegrafi/