Mund të quhet vendi më elektrik në planet. Në Venezuelë, në zonën ku takohen lumi Katatumbo dhe liqeni Marakaibo ka 260 ditë me stuhi në vit. Zona njihet për goditjet e shpeshta të rrufesë, 28 në minutë.
Ka disa teori që përpiqen të shpjegojnë stuhitë e vazhdueshme në këtë zonë. Një prej tyre thotë se erërat që fryjnë përgjatë liqenit formojnë re kur takojnë faqet e Andeve.
Topografia e zonës është unike. Liqeni Marakaibo rrethohet nga male, të cilat i izolojnë erërat e ngrohta që vijnë nga Karaibet. Këto erëra takohen me ajrin e ftohtë që vjen nga Andet, duke formuar retë, të cilat sjellin mesatarisht 28 vetëtima në minutë, duke gjeneruar një energji që mund të ndriçonte të gjithë Amerikën Latine.
Stuhi të tilla me këtë frekuencë vetëtimash ua bëjnë të lehtë punën peshkatarëve të kësaj zone, të cilët nuk kanë nevojë të marrin masa për ndriçim.
Marre nga Shekulli
