Sekuestrohet mbi një ton kanabis në fshatin bregdetar të Vilunit në Velipojë. Lënda narkotike u sekuestrua nga Forcat Operacionale nga Tirana në momentin që trafikantët po e transportonin me furgon nga Shkodra në një hotel në Vilun, ndërsa më pas do të ngarkohej në gomone per t’u trafikuar në Itali. Në flagrancë është arrestuar një efektiv policie në momentin që po zhvillohej aksioni për sekuestrimin e kanabisit në fshatin Vilun, i cili sipas burime të Report Tv ka qenë garant për transportin e drogës. Polici mësohet se është vëllai i një titullari të lartë në Drejtorine e Policise se Shkdores. Operacioni është mbajtur sekret, ndërsa ndërhyrja është bërë nga Forcat Operacionale nga Tirana. Mesohet se polici i arrestuar eshte Prele Zylja, vella i zv.komandantit te kufirit ne Shkoder Ndreke Zylja.
Në dijeni të operacionit nuk ka qenë e gjithë drejtoria e Shkodrës për shkak të frikës se mund të dekonspirohej për shkak se dyshohej se trafikantët kishin mbështetje brenda policisë lokale, që rezultoi e vërtetë. Forcat Speciale nga Tiranë mësohet se u kanë thënë policëve të patrullës që të ruajnë furgonin pasi ka disa hajdutë. Në momentin që droga po shkarkohej nga furgoni për në bodrumin e hotelit në Vilun ndërhynë Forcat Speciale nga Tiranë.
Nga operacioni përpos policit janë arrestuar edhe disa persona. Aktualisht droga e sekuestruar po peshohet, ndërsa drejtori i Policisë së Qarkut të Shkodrës ka paralajmëruar një konferencë për mediat për të dhënë më shumë detaje nga operacioni.
Aksioni vijon për të vendosur para drejtësisë të gjithë personat që janë përfshirë në trafikun e lëndës narkotike. Policia kishte rënë prej disa kohësh në gjurmët e trafikantëve pas përgjimeve, ndërsa priti momentin e fundit për t’i arrestuar. Pas vështirësisë në Jug të vendit, tashmë trafikantët po tentojnë që të trafikojnë kanabisin drejt Italisë nga zona e Shëngjinit dhe Velipojës.
Dinamika
Operacioni në Velipojë ku u sekuestruan një ton kanabis është mbajtur sekret, ndërsa ndërhyrja është bërë nga Forcat Operacionale nga Tirana. Në dijeni të operacionit nuk ka qenë e gjithë drejtoria e Shkodrës për shkak të frikës se mund të dekonspirohej, pasi dyshohej se trafikantët mund të kishin mbështetje brenda policisë lokale.
Dyshimet rezultuan të verteta, pasi ne operacion u arrestua nje efektiv policie, i cili kishte dale garant per transportin e droges. Policia kishte rënë në gjurmët e trafikantëve nga përgjimet, ndërsa ndërhyrja është bërë në momentin e fundit kur kanabisi po ngarkohej nga furgoni në gomone për t’u trafikuar në Itali.
