Kryeministri i Greqisë Alexis Tsipras, së bashku me familjen e tij, udhëtoi drejt ishullit Skyros të shtunën për të kaluar fundjavën.
Ai shoqërohet edhe nga ministri i Mbrojtjes Panos Kamenos, të cilët do të marrin pjesë në karnavalet e ishullit, pasi të kenë vizituar ushtarakët grekë në bazat detare.
Megjithatë, mbrëmjen e së shtunës Kryeministri Tsipras e shfrytëzoi për t’u argëtuar duke dalë në lokalet e ishullit.
Ai është fotografuar duke biseduar në rrugë me qytetarët dhe nuk refuzoi që të bënte selfie.
