Fushata presidenciale e Donald Trump përfshinte një premtim për ndërtimin e një muri përgjatë kufirit SHBA-Meksikë, me qëllim ndalimin e emigrantëve.
Sipas dizenjuesve meksikanë, ndërtimi i murit 25 miliard dollarë do të mbetet vetëm një ‘ëndërr’. (Për referencë, kjo shumë është 7 miliard dollare më shumë se buxheti operativ i NASA-s.) Por arkitektët meksikanë dhe dizenjues nga Estudio 3.14 kanë krijuar kufirin 3144 km të gjatë, ngjyrë rozë, të quajtur “Prison-Wall” për të treguar se si do të duket muri në realitet.
Norberto Miranda nga firma e projektimit me bazë në Guadalahara Estudio 3.14, tha se këto pasqyrime kanë për qëllim të tregojnë se ndërtimi i murit nuk është aspak praktik, pasi kodrinat dhe vargjet malore do e bëjnë ndërtimin të vështirë dhe shumë të shtrenjtë. Sipas Kate Dreë nga CNBC, ndërtimi i këtij muri do t’i kushtojë qeverisë amerikane 15-25 miliard dollarë.
Estudio 3.14 e ka projektuar murin e Trump ngjyrë rozë, e frymëzuar nga arkitekti meksikan Luis Barragan, i cili është i njohur për përdorimin e ngjyrave të ndritshme. Muri do të ndajë veriun e Meksikës nga jugperëndimi i Shteteve të Bashkuara. Ai do të përfshijë një burg për emigrantët, i cili duhet të jetë mjaft i madh për të mbajtur rreth “11 milion njerëz që Trump ka në plan ti dëbojë” :tha Miranda.
Sipas dizenjuesve të projektit në muri do të përfshijë një qendër tregëtare dhe një fabrikë prodhimi, ku të burgosurit do të punojë për të mirëmbajtur murin. Mendohet se ndërtimi i tij do marrë rreth 16 vjet./TO/a.m.
