Presidenti amerikan Donald Trump tashmë ka një “bishë” të re, pasi limuzina e mëparshme që ka përdorur dhe presidenti Obama ka dalë në pension. Këtë e dëshmon më së miri paraqitja e presidentit amerikan në Këshillin e Sigurimit të OKB-së, ku është parë duke mbërritur me limuzinën e re “Cadillac”.
Dizajnin i “Bishës” së re, mediat amerikane po e përshkruajnë të ngjashëm me modelin e vjetër me vetëm “disa detaje moderne”, por me përmirësime të dukshme në sistemin e mbrojtjes, e cila në total peshon 8 tonë.
Dizenjimi dhe prodhimi i “Bishës” së re kishte filluar në vitin 2013, kurse detajet teknike të tij ishin mbajtur fshehtë për opinionin për shkaqe sigurie. Brenda saj gjenden karriget e vendosura sikurse të modeli i vjetër 2+3+2, kurse enterieri ka pësuar disa ndryshime me kërkesë të presidentit Trump.
Makina presidenciale “Cadillac One” që shoqëron Donald Trump nuk është një mjet i zakonshëm. Kjo makinë është e pajisur me funksione sulmuese dhe mbrojtëse dhe pajisje për shpëtimin e jetës. Detajet se çfarë mjetet mbrajtëse dhe sulmuese mban makina brenda nuk janë bërë ende të ditura. /ma.me
