Në Devon të Anglisë, një grup prej pesë personash që shisnin drogë, kanë rrëmbyer dhe e kanë futur në një dhomë torturash një të ri që u kishte borxh 2,500 funte.
Ata e kanë lidhur dhe zhveshur, për ta rrahur më pas 27-vjeçarin me kamxhik, si dhe duke ushtruar tortura tjera mbi të.
Për shkaktimin e lëndimeve trupore, grupi është dënuar me gjithsej 28 vjet burg.
Pasi u është dhënë dënimi, Gjykata e ka publikuar pamjen e dhomës me përmbajtje sadiste.
Kafazi poshtë shtratit, karriget me pranga, zinxhirë, rripa dhe mjete shtrënguese që lëshohen nga tavani, janë disa nga gjërat që bien në sy më së shumti.
Mësohet se shtëpia ishte marrë me qira, pa u bërë i ditur identiteti i pronarit që organizonte ahengje dhe orgji të ndryshme në këtë dhomë. /a.m.
