Një shtrëngim duarsh miqësor dhe i përzemërt. Kështu mund të cilësohet pa frikë përshëndetja e sotme e ish-kryeministrit Sali Berisha me kryetaren e LSI-së, Monika Kryemadhi.
Ndërsa ishim mësuar tashmë me përshëndetjet e kësaj të fundit me kryeopozitarin Basha, marrëdhëniet e saj duken po kaq të mira edhe me liderin historik të së djathtës, Sali Berisha.
Të dy, si Basha e Berisha u shfaqën mjaft aktivë në sallën e Kuvendit, teksa replikuan me kryeministrin Rama, por në një moment ata s’kanë nguruar të përshëndeten me aleatët e tyre. Basha i pari, siç duket edhe në foto e pastaj Berisha kanë përshëndetur kolegët e LSI-së të ulur në vendet e tyre.
E më shumë se çdo gjë tjetër tek kjo përshëndetje bie në sy momenti kur Berisha e Kryemadhi shtrëngojnë duart. Ai është i kthyer me kurriz, ndërsa ajo buzëqesh përzemërsisht, duke na vërtetuar se pëlqimi për “doktorin” siç e quan bashkëshorti i saj Presidenti Ilir Meta nuk qënka vetëm i tiji, por edhe i bashkëshortes./BW/ma.me
