Një makinë-bombë ka shpërthyer në Bagdad, duke vrarë së paku 80 persona dhe plagosur 87 të tjerë. Lajmi është bërë i ditur nga zyrtarët irakianë.
Sulmi ndodhi në një treg të mbushur plot njerëz në orët e para të mëngjesit.
Shteti Islamik ka marrë përgjegjësinë e këtij sulmi, i cili kishte në shënjestër shiitët. Shumica e viktimave janë gra dhe fëmijë. Sipas zyrtarëve disa prej të plagosurve janë në gjendje të rëndë.
Shteti Islamik ISIS ka vënë në shënjestër herë pas herë lagjet shiite në kryeqytetin irakian.
