Sulo Gradeci, ish-përgjegjësi për sigurinë fizike të doktatorit Enver Hoxha ndërroi jetë ditën e premte, në moshën 93-vjeçare. Trupi i tij u përcoll në banesën e fundit, mes nderimeve të ish-zyrtarëve më të lartë të komunizmit.
Në ceremoni merrnin pjesë familjarët e ish-diktatorit Hoxha, por nuk mungonte as kryetari i Komisionit Parlamentar të Sigurisë, deputeti i LSI Spartak Braho.
Në kortezhin e përmotshëm ra në sy prania e djalit të Enver Hoxhës, ishministrave e zyrtarëve të lartë të regjimit komunist, ish-drejtuesve të Sigurimit të Shtetit dhe Ministrisë së Brendshme etj.
*Spartak Braho në ceremoninë e varrimit të Sulo Gradecit
Në ceremoni mbajti fjalim Muharrem Xhafa, kryetari aktual i Partisë së Punës.
Të pranishëm në varrim ishin edhe Llambi Gegprifti, ishanëtar i Byrosë Politike, Spiro Dede, ishsekretar i Komitetit Qendror të PPPSHsë, Ajli Alushani, ishministër i Shëndetësisë etj. Kishte ardhur gjithashtu edhe Spartak Braho, kryetar i Komisionit parlamentar të Sigurisë Kombëtare.
Mesazh ngushëllimi për familjarët kishte dërguar ndërkaq kryetari i Bashkisë së Skraparit, i cili kujtonte për të pranishmit traditat atdhetare dhe kontributin e veçantë të familjes, në të cilën u rrit dhe edukua Gradeci, ishshefi i Sigurisë së Hoxhës.
*Ilir Hoxha dhe Llambi Gegprifti në ceremoninë e varrimit të Gradecit
Sulo Gradeci, njeriu më i afërt i Enver Hoxhës, ndërroi jetë në moshën 93-vjeçare, ditën e premte, pas një sëmundjeje të rëndë. Pak ditë më parë, ai kishte humbur dhe të shoqen, Lirinë.
