Reshjet e dendura të shiut gjatë së shtunës kanë krijuar probleme në gjithë territorin e vendit. Situata paraqitet më e vështirë në Vlorë, Fier, dhe Elbasan, kjo për shkak të prurjeve të mëdha të lumenjve.
Lumi Shkumbin ka dalë nga shtati në disa zonë, si pasojë e prurjeve të shumta si rezultat e reshjeve të dendura të shiut. Për pasojë janë përmbytur disa zona bujqësore. Vërshimi i lumit Shkumbinit ka shkatërruar një urë në njësinë administrative Hotolisht, urën e Rrethit të Bardh. Për pasojë kanë mbetur të izoluar qindra banorë.
Situata paraqitet problematike edhe në Jagodinë, ku përmbytjet janë masive. Ndërkaq disa fshatra janë pa energji elektrike.
Edhe qarkullimi në segmentin Librazhd-Përrenjas ka patur probleme nga rënia e gurëve nga shpatet e kodrave.
a.ç
