Të shtëna me armë janë regjistruar mbrëmjen e sotme ne Shkodër, ku për pasojë një person ka mbetur i plagosur. Ngjarja në fjalë ndodhi në afërsi të shkollës ‘Oso Kuka’. I plagosur dyshohet se ka mbetur shtetasi Ridvan Kruja 50-vjeç, i cili ndodhet jashtë rrezikut për jetën. Kruja mësohet se është qëlluar me plumb në këmbë. Deri më tani nuk dihen rrethanat se si ka ndodhur ngjarja, ndërsa policia ka shpallur në kërkim autorin. Priten të tjera detaje rreth ngjarjes në fjalë.
