FOTOT/ Rama u tregon gjermanëve anën e tij artistike, ekspozon 100 piktura
Kryeministri Edi Rama pas takimit me kryeministrin e Bavarisë Horst Seehofer në Mynih ekspozoi 100 pikturat e tij në galerinë e artit “Kampl Galler”.
Ceremonia u zhvillua të premten në darkë dhe kryeministri shqiptar tregoi para gjermanëve anën e tij si artist.
Në një koment të publikuar në “Facebook”, Rama shkruan se ekspozita e tij u pasqyruar gjerësisht në shtypin gjerman. “Fotoalbumi i ekspozitës në Galerinë Kampl në Mynih, që u pasua nga artikuj shumë dashamirës në shtypin gjerman, përfshirë edhe të përditshmen kombëtare Südeutsche Zeitung”, shkruan Rama.
Në këtë takim kryeministri shihet nën shoqërinë e bashkëshortes së tij, Linda Rama. Në çeljen e kësaj ekspozite merrnin pjesë, artistë, gazetarë, kritikë arti, koleksionistë, por edhe politikanë. Gjatë një diskutimi tepër të hapur është prezantuar rrugëtimi paralel i një politikani dhe një artisti.
