Pas gjithë replikave të bëra dje në profilin e tij në facebook në lidhje me marrëveshjen me Greqinë për 12 milje territor ujor që do të përfitojë shteti helen nga vendi ynë, Rama sot ka zgjedhur të reagojë ndryshe.
Ai ka dhënë lajmin e nisjes së një linje me varka në parkun e Divjakës, duke publikuar edh disa voto të kësaj zone.
“MIRËMËNGJES dhe me këto pamje marramendëse të albumit të udhëtimit në linjën e sapokrijuar të varkave në Parkun Kombëtar të Divjakës, ju uroj një ditë të mbarë”, shkruan Rama.
Por nuk mund të mungonin as replikat e qytetarëve në lidhje me lajmin e djeshëm për marrëveshjen me Greqinë.
Njëri prej tyre i drejtohet: “O bisha ja vure syrin parkut per te shitur?”.
Ndërkohë një qytetar tjetë ironizon : “O Edo kam I dylym toke te kepi rodonit e mjell jonxh per lopen zakonish do te lutesha shum po pate mundesi vlla tja falesh kepin e rodonit italjanve ishalla po mar naj pashaport italjane rrespekte daku”
