Së shpejti pritet të nisin punimet për projektin e qendrës së Tiranës ku parashikohet ndërtimi i një parkimi nëntokësor në sheshin “Skënderbej”. Lajmin e ka bërë publik përmes një postimi në Facebook kryeministri Edi Rama. Në postimin e tij kreu i qeverisë ka hedhur edhe disa fotot të projektit.
Ja statusi i plotë i Ramës:
#RilindjaUrbane në Tiranë
Nis së shpejti ndërtimi i parkingut nëntokësor të sheshit Skënderbej😀 Falë bashkëpunimit të ngushtë Qeveri-Bashki, sheshi i degraduar prej disa vitesh në një kartodrom absurd do t’u rikthehet plotësisht qytetarëve, në formën e një hapësire publike pa makina e të rrethuar nga një kurorë e gjelbër, e cila do të jetë një shembull rrezatues i Rilindjes Urbane👍
Ndërkohë në lidhje me projektin ka reaguar edhe kryebashkiaku Erion Veliaj i cili shkruan në facebook: “Nje rruge e dy pune – shesh fantastik siper, e parking te bollshem poshte per te lene makinen e shijuar sh. Skenderbej e Tiranen me familjen”./a.m.
