Policia gjithmonë është perceptuar si një punë meshkujsh.
Burrat e fortë dhe me pamje autoritare janë parë gjithmonë si policët idealë. Por vitet e fundit vihet re një tendencë e re në rritje për policet femra. Ato shihen si mundësia perfekte për të zbutur tensionet në një ambient që mbetet thellësisht mashkullor.
Në takimin e sotëm me temë “Fuqizimi i gruas në Policinë e Shtetit”, kryeministri Edi Rama dhe ministri Saimir Tahiri jo pak herë nxorën në pah punën e mirë dhe njëherazi të vështirë të femrave në Policinë e Shtetit. Por, përveç atyre grave që punojnë çdo ditë në rrugë pranë qytetarëve për të siguruar rendin, sigurinë dhe mbarëvajtjen e trafikut, janë edhe disa të tjera që kanë detyrën e informimit të publikut. Të pashme, profesionale dhe me shumë etikë, zëdhënëset e policisë në të gjithë Shqipërinë bëjnë një punë jo të vogël në shërbim të informimit qytetar.
Ato mundohen të “ëmbëlsojnë” lajmet me paraqitjen por edhe me elokuencën e të folurit. Janë gjithmonë të gatshme t’i përgjigjen interesit të gazetarëve, pavarësisht ditës dhe orarit. Në momente të vështira, kur publiku pret reagimet e policisë, janë zëdhënëset ato që shuajnë kuriozitetin duke dhënë informacione të shpejta dhe të sakta.
Ende nuk e dimë se e kujt ka qenë ideja që komunikimin e policisë me qytetarët dhe mediat ta marrin femrat në dorë. Ajo që dimë është që kryeministri Edi Rama që në fillim të mandatit të tij ka theksuar se pamja e policisë do të ndryshojë. Por kush janë zëdhënëset e Policisë së Shtetit? Tiranapost.al ka ndërtuar një galeri me zëdhënëset bukuroshe të Durrësit, Fierit, Korçës, Kukësit, Lezhës, Dibrës dhe Vlorës.
