Gjithmonë të përfolur në media vëllezërit Xhaka sidomos për zgjedhjen e veçantë që kanë bërë në zgjedhjen e kombëtareve me të cilët luajnë. Taulanti, djali i madh i familjes Xhaka, që luan prej vitesh me skuadrën e Bazelit në Zvicër ka zgjedhur kombëtaren Shqiptare, djali i dytë i familjes Granit i cili është mesfushor i Arsenalit, luan për kombëtaren e Zvicrës, ndërsa i vogli i familjes Agoni ka zgjedhur përfaqësuesen e Kosovës shkruan Shqiptarja.
Një lajm që po bën xhiron e rrjetit së fundmi është martesa e Taulantit. Në janar të këtij viti çifti shpalli fejesën dhe pak ditë më parë kanë bërë edhe dasmën.
Një ambient mes tradicionales dhe modernes, një nuse tërësisht e artë dhe me shkëlqim ishte Arbnora Nuredini, tashme gruaja e mesfushorit të kombëtares.
