Ju ndoshta mund të mos ju ketë rënë në sy, por ama byzylyku Cartier Love është tashmë një aksesor ikonë. I krijuar fillimisht rreth 50 vite më parë, ai është ende një ndër produktet luksoze më të kërkuara në botë, e kërkesat për të në fakt janë gjithmonë e duke u rritur.
Por çfarë e bën këtë produkt kaq të suksesshëm në vazhdimësi?
Që prej muajit shtator, analistët e Interbrand e renditën ‘Cartier” si një ndër markat më të mira ndërkombëtare në botë, e që me byzylykun e tyre “Love’ ia kanë dalë të jenë në preferencat edhe të audiencës së re. Me shumë emra të njohur VIP që mbajnë në duar byzylykun në fjalë, është mëse e kuptueshme edhe popullarizimi që ky produkt ka te blerësit, të rinj ose jo në moshë, ndonëse çmimi i tyre kushton nga 3000 dollarë e lart.
E nëse po mendoni të bëni një investim në të ardhmen, atëherë kjo duhet të jetë zgjedhja juaj! Mund ta blini qoftë në dyqanet e Cartier ose edhe në faqet që shesin second-hand e prapë të jetë një blerje e zgjuar. Por ka diçka që qëndron pas historisë së kësaj bizhuterie që i ka dhënë këtë popullaritet shumëvjeçar. Për të kuptuar përse-në dhe se si byzylyku i Cartier ka mbetur IN, vijoni më poshtë:
Çmimi
Sipas një kërkimi të thjeshtë në internet lidhur me çmimin e byzylykut ‘Love’ të Cartier, thuhet se versioni më i lirë i tij janë atë në ngjyrë rozë, ose arë i verdhë dhe kushtojnë duke nisur nga 4500 dollarë. Byzylyku ar në ngjyrë të verdhë me një diamant është 5300 dollarë dhe për të pasur me më shumë diamant në rreth çmimi vjen duke u rritur duke shkuar edhe mbi 40 mijë dollarë.
Legjenda
Kur nis të përfshihesh në botën e byzylykut ‘Love’ të Cartier, do të kuptosh se pas tij fshihet një legjendë. Kur u krijuar fillimisht në vitin 1969, mendohet se u frymëzuar nga ‘brezi i virgjërisë’. E për këtë, ju duhet të përdorni një kaçavidë. “Ajo që njerëzit modernë duan janë simbolet e dashurisë që të mos jenë të lehta për t’u hequr. në fund të fundit, vet dashuria është një vlerë e përjetshme”, ka thënë dizajneri i bizhuterive dhe krijuesi i byzylykut “Love” të Cartier në kohën e krijimit të tij. Cartier madje realizoi edhe një tutorial në YouTube për të ndihmuar klientët e tij që procesi i fiksimit dhe zhbllokimit të byzylykut të jetë pak më i lehtë.
Ka edhe detaje të tjera romantike që fshihen pas bizhusë ikonë. Kur produkti u lançua për herë të parë, marka e njohur i shiste ato për çifte, të cilët do t’i dhuronin njëri-tjetrin kaçavidën e tyre. Cartier madje i dhuronte byzylykët në fjalë te çiftet me profile të larta si Elizabeth Taylor dhe Richard Burton, dhe Ali McGraw dhe Steve McQueen.
Klubi i byzylykëve ‘Cartier”
Për të gjitha femrat nga Eva Chen tek Kylie Jenner, blogeret e njohura në rrjetet sociale dhe gratë bismesmene, te redaktoret e koleksionistët e modës, byzylykët e markës Cartier renditen në të njëjtën kategori me Hermes Birkin, çantën klasike Chanel, apo valixhet Louis Vuitton, të cilat pavarësisht stilit të gjithë i duan t’i kenë. (Revista Bordo)/a.c
