Një burrë në Nju-Jork ka nxjerrë në shitje shtëpinë e tij, duke thënë se është e madhe me pesë dhoma gjumi, katër banje, një garazh për makinë. Por ai ka lënë pa përmendur se aty ka ndodhur një vrasje makabre.
Sipas njoftimit për shitjen e shtëpisë, pronari i shtëpisë ka kërkuar 850 mijë dollarë.
Ndërkohë, vrasja që e bëri të famshme këtë shtëpi ka ndodhur më 13 nëntor 1974. Aty mbetën të vrarë nëna, babai dhe katër motrat e vëllezërit e Ronald DeFeo.
Sipas “New York Daily”, viktimat u gjetën të vdekur në shtretërit e tyre, përcjell Shekulli.
Vrasësi ishte pikërisht pjesëtari i kësaj familje, Ronald DeFeo, i cili deklaroi se “ishin disa zëra në shtëpi që e bënë të vriste të dashurit e tij”.
Gjykata në Nju-Jork e dënoi atë për gjashtë vrasjet, si dhe bëhet e ditur se gjatë një seance u mor vendimi që të dalë në liri me kusht në qershor të 2017-s.
