Kryeministri Edi Rama ka postuar në rrjetin e tij social disa foto nga ceremonia dhe dekorimi i shkrimtarit Ismail Kadare, i cili mori titullin e Komandatit të Legjionit të Nderit nga Presidenti Hollande.
“Dje në Paris me ftesë të Presidentit François Hollande, për një takim mbi ecurinë e bashkëpunimit rajonal në prag të Samitit të Parisit, procesin e integrimit të Shqipërisë e reformës në drejtësi në veçanti, si edhe më pas për eventin madhor të ditës së djeshme: Dekorimi i Ismail Kadaresë me titullin më të lartë qe jepet në Pallatin e Élysée-së, “Komandant i Legjionit të Nderit”- shkruan Rama.
