Një automjet tip Mercedes-Benz me targë AA 901 BL ka marrë flakë gjatë ecjes në rrugën nacionale Sarandë-Gjirokastër, në vendin e quajtur Vrion.
Ndonëse shoferi ka mundur të dalë me shpejtësi nga mjeti dhe fatmirësisht nuk ka pasur lëndime, drejtuesit e tjerë të mjeteve por edhe kalimtarë janë frikësuar nga pamjet.
BalkanWeb, ka siguruar fotot nga vendngjarja ku duket qartë se zjarri ka shpërthyer në pjesën e përparme të mjetit.
Po sipas saj, në vendngjarje kanë mbërritur forcat e policisë, dhe po hetojnë për shkaqet e zjarrit.
