Kryeqyteti shqiptar u kthye këtë të dielë në një pistë gjigante vrapimi, me zhvillimin e edicionit të nëntë të Maratonës Ndërkombëtare të Tiranës, një nga aktivitetet më të rëndësishme sportive të vitit në vend.
Mes më shumë se 5100 garuesve nga rreth 50 shtete të ndryshme, vëmendjen e tërhoqi Ramush Haradinaj, ish-kryeministër i Kosovës dhe kreu i AAK-së.
Haradinaj ka ndarë në rrjetet sociale disa foto nga pjesëmarrja e tij në maratonë, duke i dhënë aktivitetit një notë simbolike të bashkëpunimit dhe frymës sportive mes Kosovës dhe Shqipërisë.
Me një veshje sportive dhe energji pozitive, ai u bashkua me mijëra qytetarë, sportistë profesionistë dhe amatorë që sfiduan veten në garat 42 km, 21 km dhe 10 km.
Kjo maratonë zhvillohet në një moment të veçantë për Tiranën, e cila këtë vit mban titullin “Kryeqyteti Mesdhetar i Kulturës dhe Dialogut”, duke ndërthurur sportin me diplomacinë kulturore dhe qytetare. Kryeministri i Shqipërisë, Edi Rama, përmes rrjeteve sociale ka promovuar atmosferën festive të këtij eventi, duke kujtuar se maratona është tashmë një traditë ndërkombëtare që forcon profilin modern të kryeqytetit.
Për zhvillimin normal të garës, Policia e Tiranës ka marrë masa të shumta sigurie, duke vendosur kufizime qarkullimi në arteriet kryesore të qytetit nga ora 08:00 deri në 16:00. Ndër rrugët e bllokuara janë bulevardi “Dëshmorët e Kombit”, sheshi “Nënë Tereza”, rrugët “Ismail Qemali”, “Papa Gjon Pali II”, “George W. Bush”, si dhe disa segmente të tjera strategjike…
Si tmarojsh garën o Mush, shko vrap tek shpija që ke nbreg tdetit tek FaFa tek Xixa.
Bofsh qejf….