Disa foto dëshmojnë parkimin e gabuar mbi trotuar të disa veturave që mbajnë targa shtetërore, përbri Pallatit të Kongreseve në Tiranë. Si duket, të ngutur për të mos munguar në një aktivitet që zhvillohej aty pranë, zyrtarët e qeverisë i kanë parkuar veturat mbi trotuar, në një zonë vetëm për këmbësorët dhe biçikletat duke u kthyer në një shembull të keq të mos-zbatimit të ligjit dhe të rregullave qytetare.
Në të njëjtën zonë ku qeveritarët kanë parkuar si “të fortë” dhe të pabezdisur nga policia rrugore apo bashkiake, sa herë që ndonjë veturë parkohet në hapësirën boshe ndërmjet vijave të bardha për kalimtarët dhe murit të betonit që ndan kantierin e ndërtimit të stadiumit “Qemal Stafa”, qytetarët gjejnë fletën e gjobës te xhami kur kthehen tek automjeti, e jo më po të parkonin mbi trotuar. Siç duket qytetarët janë më të barabartë se politikanët përpara ligjit. shqiptarja.com/ma.me
