Një çift prindërish anglezë të shtatë fëmijëve, janë dënuar me gjashtë vite burg secili, pasi lanë fëmijët e tyre të jetonin në kushte të “neveritshme” në një shtëpi të mbushur me 35 qen.
Christopher Bennett, 35 vjeç dhe Gemma Brogan, 41 vjeç, u dënuan të hënën pasi u deklaruan fajtorë në Gjykatën Leëes Croën për shtatë akuza për neglizhencë të fëmijëve, në një kohë që merrnin 7,000 £ në muaj të ardhura nga shteti për rritjen e fëmijëve.
Oficerët e policisë raportuan se një shtatëvjeçare, e cila flinte pranë një qeni të ngordhur, në një divan të një dhome të vogël e mbushur me 35 qen, ishte e mbuluar me jashtëqitje kafshësh.
Shtatë fëmijë, të moshës nga katër deri në 17 vjeç, si dhe 35 qen u hoqën nga shtëpia dhe u morën nën kujdes të shtetit.
“Nuk mund të merrnin frymë normalisht nga era e keqe. Gjendja e gjithë shtëpisë ishte tronditëse dhe e neveritshme; ajo ishte e rrëmujshme dhe ishte e shpërndarë me rroba të hedhura, mbeturina, ushqime të kalbura dhe jashtëqitjet e kafshëve. Dukej sikur kishte qenë e ndyrë për disa vite”, tha policia.
Kur u hap dera e dhomës së ndenjes, oficerët u tronditën kur panë dhjetëra qen duke u ngjitur mbi njëri-tjetrin për të arritur te dera e hapur. Të gjithë qentë dukeshin të kequshqyer dhe të dobët. Leshi i tyre ishte i yndyrshëm, i lyer dhe i mbuluar me jashtëqitjet e njëri-tjetrit./m.j
