Kreu i kompanisë Lamborghini për zhvillim dhe hulumtim, Maurizio Reggiani, ka konfirmuar se SUV-i Urus do të jetë modeli i tyre i parë në version plug-in hibrid.
Urus, po ashtu, do të jetë modeli i vetëm në ofertën e Lamborghinit me sistemin e tërheqjes hibride, transmeton Koha.net. Urus standard nën kapak posedon motorin benzinë 4.0-litër Twin-Turbo V8, ndërsa detajet lidhur me versionin e tij hibrid pritet të vijnë në të ardhmen.
Sipas njoftimeve të tanishme, Urus serik pritet të shfaqet në fund të vitit të ardhshëm ndërsa shitja e tij pritet të fillojë në vitin 2018. Ai do të ndërtohet me platformën të cilën e përdorë Audi Q7 dhe Bentley Bentayga.
Gjithashtu, Reggiani njofton se dizajni i Urusit në mënyrë të konsiderueshme ka evoluar në krahasim me konceptin paralajmërues, si dhe se prodhimi final është shumë më i mirë edhe në interier.
Edhe kreu i Lamborghinit, Stefano Domenicali, më herët pati njoftuar se Urus nuk do të ketë motor dizel, si dhe se nuk do të kundërshtojnë idenë e një versioni tërësisht elektrik./a.k
