FOTOT/ Kush është shqiptari që u vra në Itali dhe autori bashkëkombas i tij

Një shqiptar është vrasësi i Demir Hysenit që u ekzekutua mëngjesin e sotëm në Terni të Italisë. Autori i dyshuar u kap pasditen e sotme në Bari në tentativë për të hipur në traget për t’u arratisur drejt Shqipërisë.

“IlMessaggero” ka publikuar foton e viktimës dhe të autorit. Personi me syze është shqiptari i arrestuar në Bari. Ai quhet Kujtim Beli 60 vjeç, shkruan media italiane, ndërsa personi tjetër është 49-vjeçari shqiptar që u ekzekutua me armë.

Muratori shqiptar Demir Hyseni u vra mëngjesin e sotëm sapo hipi në makinë për të shkuar në punë. Pas diskutimeve të ashpra që pati me autorin e dyshuar, ky i fundit e qëlloi disa herë me armë duke i shkaktuar vdekjen. Shkaqet e këtij krimi nuk dihen.