FOTOT/ Kryebashkiakja Voltana Ademi jep shembullin më të keq duke shkelur ligjin, e ndalon policia

Telashe këtë të shtunë për kryebashkiaken demokrate të Shkodrës, Voltana Ademin. Kjo e fundit siç duket ka shkelur në mënyrë flagrante rregullat, pasi automjeti privat që ishte në dispozicion të saj është futur në zonën e pedonales së Shkodrës, ku gjatë fundjavës është i ndaluar qarkullimi i makinave. Në disa foto të Shkodra.News shihet se kryebashkiakja Ademi është ndaluar nga patrullat e policisë së shtetit. Ndonëse si e para e qytetit që duhet të japë shembull për respektimin e ligjit, Ademi i ka thyer vet rregullat.