Personi që shihni të rrethuar në foto është Astrit Xake, një nga personat më të dhunshëm sot gjatë protestës përpara Kuvendit, ku mbetën të plagosur 12 efektiv policie dhe ku një police humbi edhe dorën si pasojë e një kapsolle të hedhur nga turma. Por për të gjithë ata që nuk e njohin, Xake nuk ka asnjë lidhje me protestën, pasi vet është nga Kombinati dhe shtëpinë e ka po në Kombinat.
Por ndonëse nuk ka asnjë interes direkt pronësie për ndërtimet që preken nga zhvillimi i projektit të zgjerimit të Unazës së Madhe, Xake ka patur një tjetër interes, atë politikë. Kjo pasi ai është kryetari i PD-së për degën e Njësisë Nr.6 dhe në të gjitha këto ditë është një nga organizatorët kryesor të të gjitha protestave që kanë sjellë dhe bllokimin e qarkullimit në Unazën e Madhe. Xake më parë, gjatë qeverisjes së Partisë Demokratike ka qenë edhe drejtor gjimnazit të Yzberishtit. Natyrisht që si Xake gjatë protestës së sotme kishte edhe shumë militantë të tjerë të PD-së, që po përdorin hallin e disa banorëve të Unazës për të përfituar politikisht. Një tjetër protestues i dhunshëm që vjen nga radhët e PD-së dhe që është shoqëruar sot nga Policia është edhe Fluturim Goleci. Edhe Fluturimi nuk ka asnjë lidhje me zonën e Unazës së Madhe, pasi vet është dhe jeton në Paskuqan. lexo.al
