Beth Goodier duhet të kishte mbaruar universitetin dhe të kishte nisur trajnimin si psikologe, po të mos ishte për sindromën e rrallë nga e cila vuan. Në ditëlindjen e saj të 17-të, 5 vite më parë, Beth ra në gjumë dhe nuk u zgjua për plot gjashtë muaj.
Për 22 orë në ditë ajo bën gjumë të thellë dhe ngrihet vetëm 2 orë, ku është tërësisht e përgjumur dhe gjatë kësaj kohe vetëm ha bukë dhe kryen nevojat e saj personale.
Përgjatë 5 viteve, nëna e saj Janine, përllogarit se e bija ka fjetur 75 përqind të kohës. Ajo zgjohet pas një periudhë të gjatë dhe qëndron e zgjuar për disa kohë, që mund të jenë javë e në më të mirën e rasteve muaj, më pas bie sërish në gjumë. 
Sot 22- vjeç, Beth është një prej më shumë se 100 të rinjve që vuan nga sindroma Kleine- Levin, e njohur ndryshe si sindroma e bukurosesh së fjetur.
Por ndryshe nga përrallat, në të vërtetë kjo sëmundje është e errët dhe ende e panjohur. Ekspertët nuk ka arritur ende të kuptojnë se çfarë e shkakton këtë çrregullim të gjumit, apo sesi mund të kurohet.
Ajo që dihet deri më tani është që prek kryesisht adoleshentët, mosha mesatare e të cilëve është 16 vjeç dhe zgjat për rreth 13 vjet, duke shkatërruar ëndrrat dhe të ardhmen e tyre. 
