Brie Burgett, tashmë 28 vjeç, është pjesëtare e forcave xheniere. Ajo kishte një diplomë në shkencat politike dhe marrëdhënie ndërkombëtare kur ishte vetëm 19 vjeç, por duke qenë se nuk gjeti punë, vendosi t’i bashkohej Marinës amerikane
“Njerëzit habiten kur mësojnë punën që bëj sepse nuk dukem si shumica e marinsave”, thotë Brie për “Daily Mail”.
“E dija që do të ishte një sfidë, fizike dhe psikologjike, por edhe një mundësi e shkëlqyer për të zhvilluar aftësi drejtuese dhe për të fituar një përvojë të vlefshme.
Isha e pasigurt se si priteshin gratë në këtë ambient. Kur u futa në zyrën e regjistrimit, i dëgjoja që pëshpëritnin se një “Barbie” dëshiron të bëhet marinse. Kishin dyshime nëse unë do të kapja normat fizike.
Por studiova dhe u stërvita shumë dhe në fund u bëra një nga gratë më të reja që bëhej pjesë e Trupës së Marinës.”, thotë Brie.
