Aktori i humorit Julian Deda ishte i ftuar pasditen e sotme në emisionin “Rudina”, ku krijoi edhe disa situata komike me batutat e tij. Por momenti ku padyshim qeshën të gjithë ishte në fund të programit, kur ai po bëhej gati të largohej nga studioja. Teksa moderatorja Rudina Magjistari po e falënderonte për praninë e tij, aktori i famshëm iu drejtua duke i thënë: “Po urime për studion e re se harrova!”.Ndonëse Rudina i shpjegoi se studioja në fakt po bëhej e vjetër sepse kishte dy vite që kishte ndryshuar, Deda vijoi të këmbëngulte duke thënë se sidoqoftë, kjo ishte hera e parë që ai vinte në të dhe nxori 10 mijë lek të vjetër nga xhepi e i la në tavolinë, sipas traditës së hershme shqiptare përsa i përket vizitave në një shtëpi të re.
