Vetëm pak ditë pas daljes nga shtëpia e Big Brother, Kleodiana, njëra prej konkurrenteve më të spikatura në javët e para të këtij reality show, tërhoqi vëmendjen e të gjithëve, sidomos pas një fotoje të postuar duke u puthur në buzë me një vajzë.
Mediat dhe portalet komentuan se refuzimi për t’u bërë çift në Big Brother ishte për arsye të një vajze që e priste jashtë dhe që, me gjasë, mund të ishte bërë xheloze. Por Kleodiana tregon një të vërtetë krejt tjetër. E ftuar në studion e “Pasdite në Top Channel”, së bashku me të eliminuarit e tjerë të së shtunës së fundit, Kleodiana tha se nuk e kishte pritur të ishte kaq e komentuar pas daljes nga shtëpia, madje nuk mohoi as faktin që kishte lexuar edhe shumë komente negative për veten:
“Nuk e prisja që do isha kaq e folur, por kam pasur edhe shumë komente negative. Nuk jam mërzitur, sepse jo të gjithë do të të pëlqejnë në jetë. Kur je aty brenda, e humb edhe intuitën, ndaj edhe nuk është çudi të dukesh ndryshe. Por ka pasur edhe shumë të tjerë që më kanë mbështetur…” – tregon ajo pas daljes nga shtëpia.
E pyetur nga Jonida për foton e postuar dhe për prirjet e saj seksuale, ajo tha: “Nuk pëlqej femrat seksualisht, siç është shkruar në portale. Ajo foto është puthje miqësorë, është një shoqja ime. E postova për qejf, por kur lexova pastaj që “kam prirje të tjera seksuale, thashë çfarë po ndodh?” – tregon ajo duke pranuar se komentet i kanë kaluar pritshmëritë e saj./revistaclass
