Berat Gjimshiti është zyrtarisht pjesë e skuadrës së Beneventos në Sërinë A. Mbrojtësi i Kombëtares shqiptare i është bashkuar sot skuadrës së trajnerit Baroni, në formën e huazimit me të drejtë blerje nga zikaltrit e Atalantës.
Pas një sezoni mjaft pozitiv me Avelinon në Serinë B, ku ishte i huazuar, Gjimshiti do të nisë një tjetër aventurë të re, këtë radhë në Serinë A, me një skuadër që sapo është ngjitur në elitën e futbollit italian.
Edhe pse dje në mediat italiane u përfol se mbrojtësi shqiptar nuk bënte pjesë në listën e futbollistëve të grumbulluar për fazën përgatitore që Benevento do të zhvillojë në Sestola dhe Bruniko, ai ishte sot i pranishëm duke iu bashkuar skuadrës në nisje. Një surprizë kjo për tifozët verdhekuq të cilët, kanë qenë tejet të lumtur për këtë marrëveshje të arritur.
Nuk munguan as foto dhe autografet mes lojtarëve të Beneventos dhe tifozëve të cilët ishin mbledhur te stacioni për tu përshëndetur me skuadrën para nisjes për në fazën përgatitore./Panorama