Aleksandër Kokorin, futbollisti i Zenit dhe kombëtares ruse, mund t’i ketë hapur telashe vetes pas disa fotove të hedhura në rrjetet sociale. Futbollisti 26-vjeçar ka postuar në “instgram” disa foto me armë pistoletë me të cilat shfaqet duke gjuajtur.
Fotot janë bërë pas një feste, ditëlindjes së një shoku të Kokorin, ku futbollisti i shoqëron me mbishkrimin: “Asgjë e veçantë, thjesht një ceremoni martesore në Oseti”. Në këtë aspekt duket se rusët nuk ndryshojnë shumë nga shqiptarët.
Kjo sjellje lojtarit mund t’i sjellë probleme pasi nuk përjashtohet mundësia e një ndëshkimi si nga ana e klubit, por edhe e trajnerit Roberto Mancini.
